रवि पत्नी निकिता पौडेलले महानगरीय प्रहरी परिसर काठमाडौंमा दिएको जाहेरी प्रहरीले लिन मानेनन् ।
निकिताले चितवनका प्रहरी उपरीक्षक दानबहादुर मल्ल, जनआस्था साप्ताहिकका सम्पादक किशोर श्रेष्ठ र नेपालआज अनलाइनका सम्पादक संकेत कोइरालाविरुद्ध जाहेरी दिएकी हुन् ।
निकिताले जाहेरी काठमाडौंबाट हेर्न नमिल्ने भन्दै चितवन जान अनुरोध गरेको परिसर प्रमुख एसएसपी उत्तमराज सुवेदीले जानकारी दिए । एसएसपी सुवेदीले भने ‘चितवनमा घटना भएको छ, उतैबाट प्रहरीले अनुसन्धान गरिरहेको हुनाले उनलाई सम्झाएर पठायौं ।’
साउन २० गते चितवनमा पुडासैनीले आत्महत्या गरेका थिए । जिल्ला प्रहरी कार्यालय चितवनले रविसहित ३ जनालाई हिरासत राखि अनसन्धान गरिरहेको छ ।
