सामान लिन केरूङतर्फ जाँदै गरेका दुई कन्टेनरमा पहिरो खस्दा क्षति पुगेको छ । गोसाइँकुण्ड गाउँपालिका- २ टिमुरे क्षेत्रस्थित राजमार्गमा केरूङतर्फ जान लामवद्ध कन्टेनरमा माथीबाट झरेको ढुङ्गाले लागेर क्षति पु¥याएको प्रहरीले जानकारी दिए ।
शसस्त्र प्रहरी बल भन्सार सुरक्षा तथा राजश्व गस्ती २१ नम्बर गुल्मका गुल्मपति प्रहरी नायब उपरीक्षक लक्ष्मण थापाले ढुङ्गाले लागेर ना ५ ख ५८०३ र ना ६ ख ५४९७ नंको कन्टेनरमा क्षति पुगेको बताए ।
यस्तै आज टिमुरेमा स्याउ बोकेको ट्रक दुर्घटना भएको छ । प्रमुख जिल्ला अधिकारी अर्जुन भण्डारीले हाललाई राति ९ बजेदेखि उक्त राजमार्गमा सवारीसाधन नचलाउन आग्रह गरेको छ ।
