एनआरएनएद्वारा चलचित्र निर्देशक सुमन दाहालसहित विभिन्न व्यक्ति सम्मानित

सैलुङअनलाइन संवाददाता
केन्टकी, अमेरिका

विदेशी भूमिमा रहेर पनि नेपाली गीत सङ्गीत, कला संस्कृतिको प्रवर्धनमा योगदान पुर्‍याउँदै आएका चलचित्र तथा म्युजिक भिडियो निर्देशक सुमन दाहाल सम्मानित भएका छन् । स्थानीय संस्थाहरू इनास क्यान्टकी, एन्का र नास्क केन्टकीको सहकार्यमा उनलाई एनआरएनए क्यान्टकी च्याप्टरले सम्मान गरेको हो ।

कार्यक्रममा चलचित्र निर्देशक सुमन दाहाललाई विदेशमा बसेर पनि नेपाली चलचित्र तथा म्युजिक भिडियोको माध्यमबाट नेपाली गीत सङ्गीत, कला संस्कृतिको संरक्षण एवम् प्रवर्धनमा योगदान पुर्‍याएको र विभिन्न सांस्कृतिक कार्यक्रमको आयोजना गर्दै आएको ठहर गर्दै सो सम्मानबाट सम्मानित गरिएको हो । उनी विगत ५ वर्षदेखि क्यान्टकीको ल्याक्सिङटनमा रहेर म्युजिक भिडियो निर्देशन तथा विभिन्न सांस्कृतिक गतिविधिमा निकै सक्रिय रहँदै आएका छन् ।

यस्तै एनआरएनए क्यान्टकी स्थापना गरेर पहिलो र दोस्रो कार्यक्रममा महत्त्वपूर्ण योगदान पुर्‍याएका ठहर सहित एनआरएनए क्यान्टकीका पूर्व अध्यक्ष दिलु पराजुली सहित एनआरएनए क्यान्टकीका अग्रज व्यक्तित्व पुरुषोत्तम बोहरा, शशी अधिकारीलाई कार्यक्रममा एनआरएनए मुभमेन्ट सम्मानबाट सम्मानित गरियो ।

यस्तै नृत्यमा बाल कलाकार वारुणी पाण्डेलाई प्रोत्साहन सम्मान, युवा स्वयंसेवकहरू सौरभ खड्का, सफल डुम्रे, सार्थक रिजाललाई यूथ स्पोर्ट अवार्ड प्रदान गरियो ।

यस्तै निशान बुढाथोकी, विशेष पौडेल तथा ०१८ देखि २०२१ सम्म हाईस्कुल ग्राजुएट गर्ने ५० जना नेपाली विद्यार्थीहरुलाई प्रोत्साहन पुरस्कार पत्र प्रदान गरियो ।

कार्यक्रमको प्रमुख अतिथिमा एनआरएनए आइसिसी अमेरिका क्षेत्रका आरसी राजन त्रिपाठी, अतिथिहरू एनआरएनए आइसिसी मेम्बर पुरुषोत्तम बोहरा, एनआरएनए एसीसी उपाध्यक्ष दिलु पराजुली, एन्काका अध्यक्ष थिरलाल अर्याल, नेपाल अमेरिका सोसाइटी अफ केन्टकीका अध्यक्ष राजन भुजेल, इनास केन्टकीका अध्यक्ष अर्जुन थापालगायत विभिन्न संस्थाका सल्लाहकार तथा पदाधिकारीहरू थिए ।

एनआरएनए केन्टकी च्याप्टरका अध्यक्ष केशवराज लोहनीको अध्यक्षतामा सम्पन्न भएको हो ।

एनआरएनए केन्टकी च्याप्टरका उपाध्यक्ष डमरु पौडेल र सचिव अर्जुन किशोर न्यौपानेले सञ्चालन गरेको

कलाकार वारुणी पाण्डेद्वारा सञ्चालित कार्यक्रममा गायक विष्णु डुम्रेको गायन निकै आकर्षक थियो ।

तपाईको प्रतिक्रिया