बङ्गुर व्यवसायीको पीडा : नगरपालिकाको निर्णयले १७ करोड लगानी डुब्ने भयो

सैलुङअनलाइन संवाददाता
भक्तपुर

फाँटमा आँखैले नभ्याउने जस्ताको टहरा, टहराभित्र राखिएका छन् बङ्गुरहरू । त्यही टहरा ९बङ्गुरको खोर०भित्र बङ्गुरका पाठा नाच्दै छन् त कुनैमा माउ बङ्गुर आफ्ना पाठालाई सुमसुम्याउँदै । कसैले केही खानेकुरा दिन्छन् कि भनेर हेरिरहेका बङ्गुर । यो दृश्यलाई नजिकैबाट नियाल्दै छन्, सुरेश लामा ।
विगत पाँच वर्षदेखि बङ्गुर फार्म सञ्चालन गर्दै आएका उनले अहिले करिब २५ लाखभन्दा बढी लगानी गरिसकेका छन् । चाँगुनारायण नगरपालिका–९ ताथलीका चुनदेवीमा उनीसँगै ३५ वटा परिवारले बङ्गुर पाल्दै आएका छन् ।

उनको हरेक दिन बङ्गुरको स्याहारसुसारमा समय बित्ने गर्छ । उनलाई मानिसले भन्दा पनि बङ्गुरले बढी चिन्न थालिसकेको छ । तर, अब ती बङ्गुरलाई पनि कहिले छोडेर जानुपर्ने हो, कुनै टुङ्गो छैन । उनी भन्छन्, ‘चाँगुनारायण नगरपालिकाले केही दिन अगाडि बङ्गुर फार्म बन्द गर्न सूचना जारी गरेको छ । सूचना अनुसार हामीले बङगुर पाल्न नपाइने भयौँ ।’

अनुहार मलिन पार्दै उनले भने, ’जीवनभरिको पसिनाको कमाइ यसैमा लगानी गरेका छौँ । यति धेरै लगानी छाडेर हामी कहाँ जाऊँ, कसरी जाऊँ । भर्खर जन्मिएका पाठाहरू छन् । उनीहरूलाई कहाँ कसरी स्थानान्तरण गरौँ रु’

केही दिन अगाडि चाँगुनारायण नगरपालिकाले बङगुर पालन बन्द गर्न निर्देशन दिएको छ । सूचनाअनुसार ३० दिनभित्र बङ्गुर फार्म नहटाए पालिकाले कारबाही गर्नेछ । तर, पालिकाले गरेको सो निर्णय अपरिपक्व रहेको व्यवसायीहरूको दाबी छ । पालिकाले कृषकलाई प्रोत्साहनको लागि सहयोग र अनुदान दिनुको साटो स्थापित भएका व्यवसायीहरूलाई नियम विपरीत उठाउन खोजेको उनीहरूको गुनासो छ ।

वैदेशिक रोजगारीबाट कमाएको पैसा फार्ममा लगानी गरेको र फार्मको ऋण अझ तिर्न बाँकी रहेको सुरेश लामा दुखेसो पोख्छन् । उनीसँगै कुमार लामाले पनि सोही क्षेत्रमा बङ्गुर पालन गरेका छन् । उनका फार्ममा सयभन्दा बढी बङ्गुरहरू छन् । मलेसियाको तातो खडेरीमा पसिना बगाएर कमाएको पैसा बङ्गुर फार्ममै खन्याए । नगरपालिकाको उक्त सूचना देख्ने बित्तिकै उनले भने, ’गरिबको पीडा बुझ्ने को नै छ र रु ’ उनले नगरपालिकाले पटकपटक बङ्गुर पाल्ने व्यवसायीलाई मर्कामा पार्दै आएको गुनासो गरे ।

‘हामीलाई नगरपालिकाले गैर नागरिक जस्तो व्यवहार गरेको छ । तर, हामी पनि यही देशको नागरिक हौँ । हाम्रो बङ्गुरबाट स्थानीयलाई असर गरेको छैन । नगरपालिकालाई मात्र कसरी गर्‍यो रु’, उनले भने, ‘लगानी उठेको छैन । ऋणमै छौँ । त्यो पैसा कसरी चुक्ता गर्ने रु हामीमाथि नगरपालिकाले अन्याय गरेको छ ।’

करिब ४० रोपनी क्षेत्रफलमा फैलिएको सो फार्ममा करिब १७ करोड लगानी गरिएको दाबी उनीहरूको छ । नगरभित्र मात्रै करिब पाँच सय वटा फार्म सञ्चालनमा रहेको अनुमान पालिकाको छ । स्थानीय जनस्तरबाट बङ्गुर फार्मबाट फोहोर भएको र स्वास्थ्यमा नकारात्मक असर परेकोले पालिकाले सो सूचना जारी गरेको नगरप्रमुख सोमप्रसाद मिश्रले बताए ।

मानववस्ती र बङ्गुर पालन सँगसँगै बस्न नहुने भएकोले पटकपटक बङ्गुर फार्म सार्नको लागि निर्देशन गर्दै आएको बताए । तर, नगरपालिकाको निर्णयलाई नै चुनौती दिएकोले अहिले बन्द गर्न निर्देशन गरेको उनले बताए ।

नगरपालिकाको सार्वजनिक सूचनाअनुसार ५ मङ्सिरभित्र नगरभित्रका सबै बङ्गुर व्यवसायीले फार्म पूर्ण रूपमा बन्द गर्नुपर्ने छ । नगरसभाबाट नै नगरभित्रका बङ्गुर फार्म बन्द गर्ने निर्णय गरेको उक्त सूचनामा उल्लेख गरिएको छ ।

तपाईको प्रतिक्रिया

पत्रपत्रिका