गैर आवासीय नेपाली संघ समन्वय समिति (एनआरएन) लेवनानको महिला संयोजकमा मञ्जु मोक्तान तामाङ चयन भएकी छन् ।
आइतबार तीज विशेष कार्यक्रमसँगै बेरुतस्थित एनआरएन लेबनानको सातौ महाधिवेशनबाट मोक्तानलाई महिला संयोजकको जिम्मेवारी दिएका हुन् ।
सिन्धुपाल्चोक लिसंखुपाखर–४, अत्तरपुरकी मोक्तान झण्डै एक दशकदेखि रोजगारीको सिलसिलामा लेबनानमा छिन् ।
महाधिवेशनबाट अध्यक्षमा अशोक थापा, उपाध्यक्ष रामसिंह तामाङ, महासचिव धर्मेन्द्र दाहाल, सचिव अर्जुन अधिकारी, कोषाध्यक्ष हेमचन्द्र मगर, सहकोषाध्यक्षमा धवा सुनुवार, युवा संयोजक कृष्ण घिमिरे र सदस्य सुन्दरी तामाङ रहेका छन् ।
बाँकी रहेका पदहरू नयाँ कार्यसमितिले मनोनयन गरिने संयोजक मोक्तानले बताइन् ।
सामाजिक क्षेत्रमा योगदान दिदै आइरहेकी मोक्तानले पछिल्लोपटक आफ्नो जन्मोत्सव पारेर दोलखा शैलुङ गाउँपालिका–१, मा रहेका सरस्वती आधारभूत स्कुलका २ जना छात्रालाई छात्रवृत्ति दिएकी थिइन् ।
