काँग्रेस होसियार ! प्रचण्डले सिध्याउलान् : केपी ओली

सैलुङअनलाइन संवाददाता
काठमाडौं

नेकपा एमाले अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाल प्रचण्डले काँग्रेसलाई बिगार्न सक्ने टिप्पणी गरेका छन् ।

युवा सङ्घ नेपालको ‘साइबर सर्कल’ घोषणा कार्यक्रमलाई बुधवार सम्बोधन गर्दै ओलीले प्रचण्डबाट कुनै काम नभएको र अब काँग्रेसलाई बिगार्न सक्ने बताएका हुन् ।

एमाले बिगार्न नसकेर काँग्रेसलाई बिगार्न प्रचण्ड लागिपरेको भन्दै ओलीले भने, ‘हामीलाई बिगार्न प्रचण्डले खोजेका थिए । तर, सकेनन् । अहिले काँग्रेसमा गएका छन् । म भन्छु, होसियार काँग्रेस प्रचण्डले सिध्याउलान् ।’

काँग्रेस प्रचण्डको हात समाएर अघि बढ्नुपर्ने अवस्थामा रहेको टिप्पणी गर्दै ओलीले काँग्रेस विचार र नीतिमा पनि पुरानो भइसकेको बताए ।

तपाईको प्रतिक्रिया

पत्रपत्रिका