भित्रभित्र यस्तो तयारी छ भयंकर

Manu Thakuri
Manu Thakuri
0 Shares
काठमाडाैं

नेपालको आन्तरिक मामिलामा छिमेकीको रुची प्रष्टिन्छ, मधेशवादीसहित बाबुरामहरुको बलियो गठबन्धन बनाउनमा । र, त्यसका पछिल्ला विवरण प्राप्त भएका छन् ।

नेपालमा देखिने गरी वैकल्पिक शक्ति निर्माण हुनुपर्ने छिमेकीको सोंच छ । नरेन्द्र मोदीको अघिल्लो कार्याकालको अन्तिमताका नीति नै थियो, दूतावास वा कुनै एजेन्सी देखिनेगरी राजनीतिक वा अन्य मामिलामा सक्रिय नहुने । तर, नियमित जिम्मेवारीभित्रका सुक्ष्म विश्लेषण गरीने काम भने रोकिएको थिएन ।

जब मोदी प्रधानमन्त्रीको कार्यभार सम्हाल्दै थिए, राजदूतमा प्रस्तावित भए रञ्जित रे । लण्डनबाट सीधै आएका हुन्, विवेक जोहरी, ‘रअ’को नेपाल चिफको रुपमा । आएलगतै बाबुरामलाई प्रधानमन्त्री बनाउन राम्रै लबिङ गरे ।

काठमाडौंमा पुलिसतर्फ होस् वा अरुतर्फ, भारतले डिआइजीस्तरका अधिकारी खटाउने गर्दछ । तर, विवेक जोहरी त्योभन्दा माथिल्ला दर्जाका हुन्, एडिजिपी । अर्थात्, नेपालको एआइजी जत्तिकै । पोहोरदेखि दिल्लीमा छन् । ‘रअ’ को प्रमुख हुने लाइनमा थिए, तर सामन्तकुमारले टप्काइदिए । अहिले जोइन्ट सक्रेटरी छन्, चिफको लाइनका ।

उता ‘रअ’लाई सीधै प्रधानमन्त्री कार्यालय मातहत राखिने कारण नेपालमा पनि त्यस्तो अभ्यास थालिएको छ । र, नेपालको बारेमा उनकै भूमिका महत्वपूर्ण मानिन्छ । बाबुराम, राजेन्द्र महतोहरुसँग विवेकको राम्रो सम्बन्ध थियो । त्यहीअनुसार भूमिका खेल्ने नै भए । सोहीअनुरुप अहिले बाबुराम र महतोलाई सहमत गराएर वैकल्पिक शक्ति बनाउन प्रेरित गरेका छन् ।

उनको सुझाव हो, ‘उदार प्रजातान्त्रिक शक्तिका रुपमा अगाडि बढ्नुस् । त्यसपछि नेकपा र कांग्रेका मान्छेलाई तान्ने भूमिका खेल्नुस् ।’

यसरी बीचमा सुस्ताइरहेको मुद्दा प्रकट भएर दुई पक्ष मिलाउने काम अघि बढ्यो । यो कुरालाई महेन्द्र राय यादव र शरद्सिंह भण्डारीले साथ दिए । यी दुई पनि विवेक जोहरी निकटकै हुन् । तर, अनिल झा र राजकिशोर यादवलाई यिनले खासै महत्व दिँदैनन् । जोहरीसँग महन्थ ठाकुरको बाक्लो सम्बन्ध होइन । उनी सत्तारुढ भाजपाको मातृसंस्था आरएसएस निकटस्थ छन् । यो समाचार जनआस्था साप्ताहिकमा छ ।

तपाईको प्रतिक्रिया