सामान्य अंकले घट्यो नेप्से

सैलुङअनलाइन संवाददाता
काठमाडौं

साताको चौथो कारोबार दिन बुधवार नेपाल स्टक एक्सचेन्ज ९नेप्से० परिसूचक सामान्य अङ्कले घटेको छ । बुधवार सेयर बजार चार दशमलव २३ अङ्कले घटेर दुई हजार चार सय १४ दशमलव ६२ बिन्दुमा पुगेर कारोबार बन्द भएको हो ।

बजारमा २२८ वटा कम्पनीको ९८ लाख कित्ता सेयर खरिदबिक्री हुँदा चार अर्ब ५८ करोड रुपैयाँ बराबरको कारोबार भएको छ । सबैभन्दा बढी कारोबार गर्नेमा महालक्ष्मी विकास बैङ्क छ । बैङ्कले १६ करोड ५८ लाख रुपैयाँ बराबरको सेयर कारोबार गरेको छ ।

नेप्सेका अनुसार ९० वटा कम्पनीको सेयर मूल्य वृद्धि हुँदा ९२ वटा कम्पनीको सेयर मूल्य घटेको छ । बाँकी सात वटा कम्पनीको सेयर मूल्य भने स्थिर रहेको छ । बैङ्क, माइक्रोफाइनान्स, होटेल एन्ड टुरिजम, लाइफ इन्स्योरेन्स र अन्य कम्पनीको सेयर मूल्य घटेको छ । बाँकी सबै कम्पनीको सेयर मूल्य बढेको छ ।

दिव्यश्वरी हाइड्रोपावर, सामलिङ पावर कम्पनी, मल्टिप्रपोस फाइनान्स, आँखु खोला जलविद्युत कम्पनीलगायतको सेयर मूल्य बढेको छ । त्यस्तै, सबैभन्दा मूल्य घट्ने कम्पनीहरूमा नयाँ सारथी लघुवित्त वित्तीय संस्था, सामुदायिक लघुवित्त वित्तीय संस्था, मञ्जुश्री फाइनान्सलगायत छन् ।

तपाईको प्रतिक्रिया