केही दिन अघिदेखि काठमाडौँका अवैध संरचना भत्काउन सुरु गरेका काठमाडौँ महानगरका मेयर बालेन साहले अब होर्डिङ बोर्ड भत्काउन थालेका छन् ।
नक्सा पास विपरीतका संरचना हटाउने अभियान चलाइरहेको काठमाडौँ महानगरपालिकाले अब होर्डिङ बोर्ड हटाउन सुरु गरेका हुन् ।
महानगरले मापदण्ड विपरीत राखिएका होर्डिङ बोर्ड, रक्सी चुरोटका विज्ञापन, अनुमति बिना राखिएका डिजिटल बोर्ड हटाउन थालेका छन् ।
महानगरले त्रिपुरेश्वरको वर्ल्ड ट्रेड सेन्टर सेन्टरमा रहेको डिजिटल होर्डिङ बोर्ड हटाएर यो अभियान सुरु गरेका छन् ।
महानगरपालिकाले त्रिपुरेश्वरस्थित वर्ल्ड ट्रेड सेन्टरमा पुगेर त्यहाँ रहेको डिजिटल होर्डिङ बोर्ड बन्द गराएको छ ।
सेन्टरले अनुमतिविना डिजिटल होर्डिङ बोर्ड राखेर विज्ञापन गरिरहेको पाइएपछि बन्द गराइएको महानगरले जनाएको छ ।
