राष्ट्रिय क्रिकेट टोलीका कप्तान सन्दीप लामिछानेविरुद्ध दुर्व्यवहारका घटनाहरू एकपछि अर्को जोडिँदै आएका छन् ।
वूमेन्स रुम रिलोडेड (डब्लूआरआर) नाम गरेको प्राइभेट ग्रुपमा लामिछानेले दुर्व्यवहार गरेका घटनाहरू खुलेर आएका जानकारी दिएका छन् ।
केटिएम दैनिकले लामिछाने विरुद्ध परेको उजुरीको समाचार ब्रेक गरेपछि केही किशोरीहरू हामीसँग सम्पर्कमा आएका छन् । हामीसँग सम्पर्कमा आएका किशोरीमध्ये एक किशोरीले भनिन्, ‘उहाँले कहाँबाट मेरो नम्बर पाउनुभएछ, मलाई पटक पटक कल गरेर भेट्न बोलाउनु भएको थियो । तर मेरो भाग्य बलियो रहेछ, मैले इन्कार गरे ।’
उनले थपिन, ‘उहाँले म जस्ता थुप्रै युवतीहरूलाई पनि म्यासेज पठाउने, फोन गर्ने गर्नुभएको रहेछ । यसले उहाँको नियत नै शङ्कास्पद भएको देखाउँछ ।’
उक्त ग्रुपमा आफू पनि लामिछानेबाट दुर्व्यवहारको सिकार हुन पुगेको बताएकी छन् । त्यस्तै केहीले भेट्न बोलाउँदा आफू नगएर राम्रो गरेको प्रतिक्रिया दिएका छन् ।
यस्तै कलाकार ज्योति मगरले सामाजिक सञ्जाल‚ मिडिया र प्रहरी आफै न्यायाधीश भएको टिप्पणी गरेका छन् ।
उनले आफ्नो व्यक्तिगत बिचार भन्दै लेखेकी छन्‚‘दोषी ठहर होला नहोला तर कानुनले दोषी प्रमाणित नभएसम्म बलात्कारको ट्याग लगाउनु जायज होइन ।’
‘नगरकोट घुम्न र होटेलसम्म जान मन्जुर हुनु‚ ५ गते घटना हुनु तर घट्नाको करिब दुई हप्तापछि मात्र उजुरी पर्नु’ यो विषय गम्भीर रहेको उनले औँल्याएकी छन् ।
उनले भनेकी छन्‚‘केही न केही गडबड चाहिँ छ तर पितृसत्तात्मक सोच भएको समाजका केटाहरूले कलिला (नाबालिका) हेर्न सोँचले यो घटना भएको हुन सक्छ ।’
घट्नाका प्रकारहरू आशय करणी, जबरजस्ती करणी, बलात्कार र अन्डर एजका हुन्छन् । अदालतका निर्णयले मात्रै दोषी भन्न सकिने उनले बताएकी छन् ।
१७ वर्ष भन्दा कम उमेरकी बालिका करणी गरेको अभियोगमा लामिछानेविरुद्ध भदौ २१ गते जिल्ला प्रहरी परिसर, टेकु काठमाडौँमा किटानी जाहेरी परेका हुन् ।
