वैदेशिक रोजगारीका लागि साउदी आइपुगेका बिचारमान तामाङलाई नेपाल तामाङ घेदुङका प्रवास शाखा साउदीले उद्धार गरि नेपाल फर्काइएको छ । तामाङलाई हिमालयन सोमबार एयरलाइन्सको उडानबाट नेपाल फर्काइएको घेदुङका वरिष्ठ उपाध्यक्ष अमृत घिसिङले जानकारी दिए ।
प्रवास शाखा साउदीका वरिष्ठ उपाध्यक्ष घिसिङका अनुसार अस्वस्थ समेत रहेका तामाङलाई सनराईज कार्गोले टिकटको लागि सहयोग गरेको हुन् । सिन्धुली हरिहरपुरगढी गाउँपालिका-१, का बिचारमान) भन्छन् ` म झन्डै ९ महिनाअघि आल दास मेनपावर मार्फत गाडी धुने काममा साउदी आएको हो ।´ उनले थपे ` मलाई कम्पनीले सम्झौता अनुसारको काम नदिई अन्य कम्पनीमा काम लगाएर तलब, सेवा सुबिधा र आप्रवासीय परिचयपत्र (आकामा) समेत दिएन । ´
बिगत ५ महिनादेखि अस्वस्थ रहेका तामाङलाई कम्पनीले उपचार समेत बेवास्ता गरेको साउदी घेदुङका वरिष्ठ उपाध्यक्ष घिसिङको भनाइ थियो । उनका अनुसार पीडित तामाङको उद्धारमा दूतावासको समेत ठूलो भूमिका रहेका छन् । वरिष्ठ उपाध्यक्ष घिसिङले भने ` यसरी साउदी लगायत अन्य मुलुकमा अलपत्र परेकाहरूको उद्धारका लागि नेपाल सरकार गम्भीर हुनुपर्छ । व्यक्ति र संघसंस्थाहरुले मात्र गरेर समस्याको समाधान हुन्न ।´
सन् २०१४ मा गठन भएको घेदुङले हालसम्म विभिन्न रोगका बिरामी, शैक्षिक क्षेत्र लगायत अन्यमा सहयोग आएको छ । वैदेशिक रोजगारीका लागि साउदी आएका तामाङहरुलाई संगठित गर्दै भाषा, संस्कृति, परम्परा, धर्म लगायत अन्य पाटहरुको संरक्षण तथा सम्बर्द्धनको सहयोगार्थ घेदुङको स्थापना गरेका हुन् । घेदुङले दमाममा क्षेत्रीय कार्यसमिति समेत सन् २०१९ मा स्थापन गरिसको छ ।
