अमेरिकामा तीन ठाउँमा ‘ल्होछार डम्फू साँझ’

नेपालबाट शशिकला मोक्तान, विजय लामा लगायतका कलाकार आउने

सैलुङअनलाइन
सैलुङअनलाइन संवाददाता
385 Shares
अमेरिका

तामाङ समुदायको ठुलो चाड सोनाम ल्होछार अवसरमा संयुक्त राज्य अमेरिकाको विभिन्न तीन स्थानमा फरक-फरक समयमा ल्होछार डम्फु साँझ आयोजना हुने भएका छन् । मञ्जुश्री २८५९ औँ सोनाम ल्होछार तावार ल्हो (बिरालो वर्ग) को अवसरमा तामाङ समाज अफ अमेरिकाले न्यूयोर्कमा, तामाङ समाज अफ पेन्सलभेनिया र तामाङ समूह अफ ल्यान्कास्टरले पेन्सलभेनियामा ल्होछार सांस्कृतिक कार्यक्रम गर्ने भएको हो ।

तामाङ समाज अफ अमेरिकाले न्यूयोर्कमा सन् २०२३ जनवरी २१ शनिवार डम्फु साँझको आयोजना गरेको छ । विभिन्न सांस्कृतिक तथा साङ्गीतिक कार्यक्रममा नेपालबाट गायक विजय लामा, गायिका शशिकला मोक्तान जाने भएका छन् । त्यस्तै गायक सन्जोक योन्जन, जगदीश समाल, गोमा योन्जन, महादेव त्रिपाटी, सुमित्रा तामाङ, चुनु घिसिङ लगायतको प्रस्तुति रहने छन् । कार्यक्रम दिउँसो १ बजेदेखि राती २ बजेसम्म हुनेछ ।

तामाङ समाज अफ पेन्सलभेनियाले वासिङ्टन पेन्सलभेनियामा जनवरी २८ शनिवार ल्होछार पर्व मनाउने तयारी छ । कार्यक्रममा तामाङ संस्कृति प्रदर्शनी, साङ्गीतिक प्रस्तुति तथा डिजे प्रस्तुति समेत रहेको अध्यक्ष कविलाल घिसिङले जानकारी दिए । साङ्गीतिक प्रस्तुतिका लागि गायक सन्जोक योन्जन, केशव भण्डारी, डिजे कर्मालगायत नृत्य प्रस्तुतिहरू हुनेछन् । कार्यक्रम साँझ ५ बजेदेखि राती १ बजेसम्म हुनेछ ।

तामाङ समूह अफ ल्यान्कास्टरले फेब्रुअरी ४ शनिवार आयोजना गर्दै छ । मध्यान्ह १२ बजेदेखि साँझ ६ बजेसम्म आयोजना हुने सांस्कृतिक कार्यक्रममा गायक सन्जोक योन्जन, करण तामाङ, जेन्से योन्जन, नृत्यमा डम्बर भट्टराई र मेलिना मोक्तानको बेजोड प्रस्तुति रहने छन् ।

मञ्जुश्री २८५९औँ सोनाम ल्होछार माघ शुक्ल प्रतिपदाको दिनबाट नयाँ वर्ष सुरु हुन्छ । यो वर्ष वि.सं. २०७९ माघ ८ गते (सन् २०२३ जनवरी २२) शुक्ल प्रतिपदा रहेको छ । ल्छोछार पर्व माघ शुक्ल प्रतिपदाको अघिल्लो दिन पुरानो ल्हो (वर्ग) लाई बिदाइ र भोलिपल्ट नयाँ ल्हो (वर्ग) लाई स्वागत गर्दै तीन दिनसम्म विभिन्न कार्यक्रम गरी मनाउने गर्दछ । तामाङ समुदायले पूजापाठसँगै ठुलाबडाबाट टिका ग्रहण, मौलिक परिकार खाने, आफन्त भेटघाट गर्ने र रमाइलो गरी मनाउँदै आइरहेको छ । ल्होछारमा नेपाल तामाङ घेदुङ सङ्घीय कार्यसमितिले तीन दिन काठमाण्डौंको टुँडिखेलमा भव्य कार्यक्रम गरी मनाउने गर्दछ ।

तपाईलाई कस्तो महसुस भयो ?
+1
0
+1
0
+1
0
+1
0

तपाईको प्रतिक्रिया

पत्रपत्रिका