हिमालि जिल्ला रसुवामा लाङटाङ बाहेक सबै गाउँहरूमा सडक सञ्जाल जोडिएसँगै क्युका बसहरू चल्न थालेका छन् ।
उत्तरी रसुवाको टिमुरे, थुमन बृद्विम, तातोपानी, थाम्बुचेत, गत्लाङ, हाकुबेसि, दक्षिण क्षेत्रको डाँडा गाउँ, ठुलो गाउँ, मनिगाउँ, कर्मिडाडा, जिवजिवे, अम्बावास, भोर्ले, यार्सा, सरमथलि, पाटिखर्क लगायतमा नियमित बस सञ्चालन भइरहेको छ ।
बस सञ्चालनले एम्बुलेन्स सेवा, खाद्यान्न ढुवानी लगायत विकास निर्माणका लागि आवश्यक मेसिनरी ढुवानीका काममा सहज भएको छ । भौगोलिक विकटताका कारण सीमित ठाउँमा मात्रै सवारीसाधन पुग्दथे भने संघीयता लागू भए यता सडक सञ्जालले जोडिएपछि धेरै नै सहज भएको छ ।
आफूले उत्पादन गरेको आलु,काउली,बन्दा,साग सब्जी हरूले बजार पाएको छ र पुर्खाहरूले भन्ज्याङ चौतारीका गोरेटो बाटो पैदल यात्रा गर्दथे भने अहिले सडक सञ्जाल विस्तार भएपछि दैनिकी सहज भएको छ ।काठमाडौँ बाटो एक दिनमा पुग्ने ठाउँहरू भएकाले पनि सहज र सरल तरिकाले आफ्नो गन्तव्यमा पुग्न सकिने छ ।
