मकवानपुर, मनहरी गाउँपालिका-७ मनहरी बजारबाट अवैध लागू औषध गाँजा २० केजी सहित राक्सिराङ गाउँपालिका-२ बस्ने ४३ वर्षीय जगत बहादुर ठोकर समेत २ जनालाई शुक्रवार दिउँसो प्रहरीले पक्राउ गरेको छ । इलाका प्रहरी कार्यालय मनहरीबाट खटिएको प्रहरीले उनीहरूलाई उक्त लागू औषध सहित फेला पारी पक्राउ गरेको हो ।
बारा, निजगढ नगरपालिका-११ तपसीबाट अवैध लागू औषध गाँजा करिब २ केजी सहित सोही नगरपालिका-१२ रामथली बस्ने ४९ वर्षीय गोपाल थोकरलाई शुक्रवार राति प्रहरीले पक्राउ गरेको छ । अस्थायी प्रहरी पोस्ट रतनपुरबाट खटिएको प्रहरीले उनलाई उक्त लागू औषध सहित फेला पारी पक्राउ गरेको हो ।
सिरहा, लहान नगरपालिका-३ स्थित सडकबाट नियन्त्रित लागू औषध डाईलेक्स डिसी एक सय एमएलको ४० बोतल सहित सोही नगरपालिका-८ बस्ने ३० वर्षीय सुमित चन्द्र देव समेत २ जनालाई शुक्रवार साँझ प्रहरीले पक्राउ गरेको छ । इलाका प्रहरी कार्यालय लहानबाट खटिएको प्रहरीले स।१० प २६५४ नम्बरको मोटरसाइकल जाँच गर्ने क्रममा मोटरसाइकलमा सवार उनीहरूलाई उक्त लागू औषध सहित फेला पारी पक्राउ गरेको हो ।
कैलाली, गोदावरी नगरपालिका-१ धनगढी रोड बस्ने २४ वर्षीय राजन हमाललाई अवैध लागू औषध खैरो हेरोइन जस्तो देखिने पदार्थ १ ग्राम ३ सय ४० मिलिग्राम सहित शनिवार बिहान प्रहरीले पक्राउ गरेको छ । इलाका प्रहरी कार्यालय माला खेतीबाट खटिएको प्रहरीले उनको घरबाट उक्त पदार्थ फेला पारी उनलाई पक्राउ गरेको हो ।
यसै गरी कैलाली, गोदावरी नगरपालिका-१ बाँसबारी डेरा गरी बस्ने चुरे गाउँपालिका-३ घर भएकी २३ वर्षीया निर्मला कुमारी रावतलाई अवैध लागू औषध खैरो हेरोइन जस्तो देखिने पदार्थ ३ ग्राम १ सय ६० मिलिग्राम सहित शनिवार बिहान प्रहरीले पक्राउ गरेको छ । इलाका प्रहरी कार्यालय माला खेतीबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो ।
यसै गरी कैलाली, गोदावरी नगरपालिका-४ बेल्पानीबाट अवैध लागू औषध चरेस जस्तो देखिने पदार्थ ४ केजी सहित सोही नगरपालिका-४ गौरीगडा बस्ने बझाङ घर भएका ६२ वर्षीय गगने धामीलाई शनिवार बिहान प्रहरीले पक्राउ गरेको छ । सुदूर पश्चिम प्रदेश प्रहरी कार्यालय धनगढी र इलाका प्रहरी कार्यालय माला खेतीबाट खटिएको संयुक्त टोलीले उनलाई उक्त पदार्थ सहित फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
