अभिनेत्री करिश्मा मानन्धरको चरित्र हत्या गरेको आरोपमा प्रहरीले डिल्लीराम खनाललाई शुक्रवार पक्राउ गरेको छ।
अभिनेत्री मानन्धरले माघ २४ गते नेपाल साइबर ब्युरोमा दिएको उजुरीको आधारमा प्रहरीले खनाललाई काठमाडौँको भोटाहिटीबाट पक्राउ गरेको हो ।
न्यु अनलाइन टिभीको एक अन्तर्वार्तामा डिल्लीराम खनालले मानन्धरको विषयमा चर्चा गरेका थिए। पछि सोही टिभीमा उनले माफी पनि मागेका थिए।
थप अनुसन्धानका लागि म्याद थप्न खनाललाई काठमाडौँ जिल्ला अदालत लैजाँदै गरेको साइबर ब्युरोका प्रवक्ता एसपी पशुपति रायले जानकारी दिएका छन् ।
