रमेश कर्पले तेस्रो संस्थापक दिवस मनायो

शन्तबहादुर तामाङ
शन्तबहादुर तामाङ संवाददाता
14 Shares
काठमाडौं

नेपालको सबैभन्दा ठुलो कर्पोरेट समूहमध्ये एक रमेश कर्पोरेसनले आफ्नो तेस्रो संस्थापक दिवस कर्पोरेट सामाजिक उत्तरदायित्व (CSR) कार्यक्रमको साथ अनाथालयमा मनाएको छ । विगतमा आन्तरिक कर्पोरेट कार्यक्रमहरूको साथ १८ मार्चमा मनाउँदै आइरहेको संस्थापक दिवस यस वर्ष काठमाडौँको नक्सालस्थित बाल मन्दिर अनाथालयमा कर्पोरेट सामाजिक उत्तरदायित्व (CSR) कार्यक्रम आयोजना गरी विशिष्ट र प्रभावकारी ढङ्गले मनाएका छन् । समाजको लागि पुनः योगदानमा बलियो दृष्टिकोण राख्ने रमेश कर्पोरेसनका संस्थापक रमेश गुप्ताको सम्झनामा उक्त कार्यक्रम आयोजना गरिएको थियो ।

कार्यक्रममा रमेश कर्पका सदस्यहरूले अनाथालयमा विभिन्न रमाइला गतिविधिहरूको आयोजना गरी बालबालिकासँग समय बिताउनुका साथै खाना र स्टेशनरी जस्ता आवश्यक वस्तुहरू वितरण गरेका थिए । रमेश कर्पको यो कार्यक्रमले सामाजिक उत्तरदायित्वप्रति कम्पनीको प्रतिबद्धताले समाजमा सकारात्मक प्रभाव पार्ने आफ्नो मूल्यमान्यता र समर्पणलाई झल्काउँछ ।

रमेश कर्पोरेसनका सदस्यहरूले अनाथ आश्रममा भेला भई बालबालिकाहरू बिच चित्रकला प्रतियोगिता लगायत विभिन्न मनोरञ्जनात्मक क्रियाकलापहरू सञ्चालन गरेका थिए । बालबालिकाको मुहारमा खुसी, मुस्कान ल्याउन र उनीहरूको जीवनमा प्रभाव पार्ने उद्देश्यले कार्यक्रम आयोजना गरिएको हो । यस उत्कृष्ट कार्यको लागि कृतज्ञताका साथ सदस्यहरूले बालबालिकालाई एक महिनाको खाना र अन्य अत्यावश्यक खाद्यान्न पनि प्रदान गरेका थिए ।

कार्यक्रमको बारेमा बोल्दै रमेश कर्पोरेसनका उपाध्यक्ष सुशील गुप्ताले भने, ‘आज रमेश कर्पोरेसनको तेस्रो संस्थापक दिवस र यो दिन हाम्रो लागि विशेष छ किनकि हामीले हाम्रा संस्थापक स्वर्गीय रमेश गुप्ता र उनको दर्शनलाई सम्झने र यस्ता कार्यहरूमार्फत समुदायमा पुनः योगदान गर्ने अवसर पाइरहेका छौँ । बालबालिकाको भलाइको लागि योगदान गर्ने अवसरको लागि हामी आभारी छौँ ।’
समग्रमा, सामाजिक उत्तरदायित्वप्रतिको हाम्रो समर्पण र त्यसको इच्छाशक्तिलाई यो लक्ष्य प्राप्ति तर्फको एउटा सानो कदमको रूपमा हेरेका छौँ‚ उनले भने ।

रमेश कर्पोरेसनका उपाध्यक्ष रोहित गुप्ताले थपे, ‘हाम्रो संस्थापक दिवस विशेष अवसर हो किनभने हामीले हाम्रा संस्थापक श्री रमेश गुप्ताको मूल्यमान्यता र दृष्टिकोणलाई सम्झन्छौँ । हामी समाजको लागि पुनः योगदानमा विश्वास गर्छौँ, र त्यो लक्ष्य हासिल गर्नको लागि यो कार्यक्रम एउटा सानो कदम मात्र हो । हामीलाई यस बाल मन्दिर अनाथालयका बच्चाहरूसँग समय बिताउन र उनीहरूको कल्याणमा योगदान गर्ने मौका दिनु भएकोमा हामी धेरै आभारी छौँ ।’

रमेश कर्पोरेसनले आयोजना गरेको सिआरएस कार्यक्रम उनीहरूको सामाजिक उत्तरदायित्वप्रतिको प्रतिबद्धताको प्रमाण हो । शिक्षा, स्वास्थ्य सेवा र वातावरण संरक्षण जस्ता विभिन्न पहलहरू मार्फत समाजको हितमा योगदान पुर्‍याउन कम्पनी सधैँ अगाडि रहँदै आएको छ ।

रमेश कर्प

रमेश कर्प नेपालको एक वहुआयामिक ठुला निजी उद्योग तथा व्यापारिक समूह मध्य एक हो जसले “फरवार्ड टुगेदर” को मूल दर्शनलाई बाँधी राखेको छ । ५० वर्ष पहिले हार्डवेयर व्यापार व्यवसायको रूपमा स्थापना भएको रमेश कर्पोरेसन, आज हरेक क्षेत्रमा आफूलाई सशक्त बनाएको छ । उत्पादन, वित्तीय सेवा, घरजग्गा, उपभोक्ता टिकाउ, जलविद्युत, खानी र लगानी जस्ता उद्योगहरूको विस्तृत शृङ्खलामा यसको बलियो उपस्थिति छ । हाम्रा अध्यक्ष इमेरिटस स्वर्गीय रमेश गुप्ताको दृष्टिकोणबाट प्रेरित भएर, कम्पनीले आफ्ना सबै व्यावसायिक अभ्यासहरूमा “फरवार्ड टुगेदर” को मूल दर्शनलाई सम्मिलित गरेको छ । आफ्ना सबै व्यावसायिक अभ्यासहरूमा मूल दर्शनलाई आत्मसात् गर्दै आफ्ना ग्राहकहरू, कर्मचारीहरू, लगानीकर्ताहरू, इकोसिस्टम साझेदारहरू साथै सम्पूर्ण राष्ट्रको जीवनलाई सशक्त र समृद्ध बनाउने आकाङ्क्षा राखेको छ ।

तपाईलाई कस्तो महसुस भयो ?
+1
0
+1
0
+1
0
+1
0

तपाईको प्रतिक्रिया

पत्रपत्रिका