मूलवासी मङ्गोल समुदायको साझा सङ्गठन नेपालीज् मूलवासी मङ्गोल कम्युनिटी इन अमेरिका (Nepalese Mulabaasi Mongol Community in America (NMMCA)) गठन गरिएको छ ।
आइतबार कान्छा शेर्पाको संयोजकत्वमा छ सदस्यीय तदर्थ कमिटी गठन गरिएका हुन् ।
कमिटीको सदस्यहरू सजून तामाङ‚ राम बहादुर थिङ‚ लीला श्रीस मगर‚ गोरे लामा‚ तेन्जी योञ्जन तामाङ र तेज बी. राई रहेका छन् ।
संस्थालाई औपचारिक र वैधानिक रूपमा सम्पन्न गर्न कमिटी गठन गरिएको संयोजक शेर्पाले जानकारी दिए ।
उनले भने‚‘कमिटीले आगामी तीन महिनाभित्रमा पहिलो ऐतिहासिक अधिवेशन गर्ने र संयुक्त राज्य अमेरिकामा हामी मङ्गोलहरूको मुक्ति र हितका लागि साङ्गठनिक रूपमा एउटा संस्था स्थापना हुनेछ ।’
मङ्गोल दर्शन र सिद्धान्तलाई आत्मसाथ गर्ने र शुभ चिन्तन राख्ने सम्पूर्ण मूलवासी मङ्गोलहरूलाई एकताबद्ध गर्दै मङ्गोल अस्तित्वको लडाइँमा कुनै न कुनै तवरबाट हातेमालो र साथ सहयोग गर्ने हेतुले अमेरिकामा संस्था स्थापना गर्न लागिएको संयोजक शेर्पाको भनाइ थियो ।
संस्थाको नाममा ३२० डलर सहयोग समेत प्राप्त भएको संयोजक शेर्पाले बताए ।
