नेपाल तामाङ घेदुङले संघीय कार्यालय ‘तामाङ ग्रेन गे दिम’ ९तामाङ भवन० खरिदको लागि कोरियाबाट लगभग ३ लाख ८७ हजार ८ सय सहयोग गरेको छ । गत शनिवार संघीय कार्यालयमा एक भेटघाट गरी उक्त सहयोग हस्तान्तरण गरेको हो ।
हस्तान्तरण कार्यक्रममा कोरियाको तर्फबाट कोरिया घेदुङका सचिव बुद्धिबहादुर स्याङतान, सल्लाहकार चित्रबहादुर मोक्तान, राजीव घिसिङ, तामाङ पत्रकार संघ कोरियाका अध्यक्ष अमिर योञ्जन र संघीय घेदुङका अध्यक्ष मोहन गोले, उपमहासचिव जगतमान दोङ, सचिव सरोज मोहन लामा, कोषाध्यक्ष रूपबहादुर योञ्जनलगायत कलाकार निशा पाख्रिन, प्रकाश तितुङ, सन्देश तामाङको उपस्थिति रहेको थियो ।
सहयोग हस्तान्तरणको क्रममा कोरिया घेदुङका सचिव बुद्धिबहादुर स्याङतानले संघीय घेदुङले गतबर्ष घोषणा गरेको दिम खरिदको लागि कोरियामा रहेका तामाङहरूबाट सङ्कलित रकम सहयोग गरेको बताए । ‘दिम खरिदको लागि कोरियामा पनि सहयोग रकम सङ्कलन अभियान सञ्चालन गरेका थियौँ, त्यसबाट लगभग कोरियन ३८ लाख वन सङ्कलन भएको थियो,’ स्याङ्तानले भने ।
संघीय अध्यक्ष मोहन गोलेले सहयोगीहरूलाई धन्यवाद दिँदै अझै आगामी दिनहरूमा धेरै सहयोग आउने आशा रहेको बताए । उनले भने, ‘पोहोर सहयोग सङ्कलन अभियान २०७९ को चैत्रसम्म घोषणा गरेका थियो, यसलाई फेरि एक वर्ष समयावधि थपेको छ, अझै सकेको सहयोग सङ्कलन गर्न अनुरोध गरे ।’
