सरकारले लामो समयदेखि राजश्वमा ५० प्रतिशत छुट दिने प्रावधान ल्याएपश्यात रसुवामा पछिल्लो समय महिलाको नाममा जग्गा पास गर्नेको सङ्ख्या बढेको छ ।
मालपोत कार्यालयबाट समेत रजिस्ट्रेसन मा राजश्व छुट पाएसँगै महिलाहरूको नाममा जग्गा पास गर्ने कार्य बढ्न थालेको मालपोत कार्यालय रसुवाका प्रमुख गणेश श्रेष्ठले बताए ।
राष्ट्रिय जनगणना २०७८ अनुसार रसुवामा २२ हजार ६ सय ५४ महिला को जनसङ्ख्या रहेको र महिलाको नाममा उल्लेखनीय रूपमा जग्गा पास गर्ने को सङ्ख्या पनि धेरै रहेका छन् । २५ प्रतिशत सदरमुकाम आसपासका र अन्य क्षेत्रमा ५० प्रतिशत राजश्व छुट हुने भएपछि जग्गा पास गर्नेको सङ्ख्या बढेको मालपोत अधिकृत श्रेष्ठले जानकारी दिए ।
८ सय २६ रसुवालि महिलाले एकल रूपमा भू–स्वामित्व कायम रहेको र ती मध्ये १ सय ८८ महिला को घर निर्माण र ६ सय ३८ महिलाको जग्गा मात्रै रहेको छ । ९ सय ५० महिलाको भने श्रीमान बिच संयुक्त जग्गाधनि प्रमाणपत्र पुर्जा लिएको तथ्याङ्क अधिकृत दीपेन्द्रसिंह धामिले बताए ।
