दोलखा जिल्ला गौरीशङ्कर गाउँपालिकाका बौद्ध धर्म गुरु खेन्पो पेम छिरिङ शेर्पाले ‘मन’ म्युजिक भिडियो सार्वजनिक गरिएको छ । यो उनको पहिलो गीत हो ।
धार्मिक व्यक्तित्वको रूपमा परिचित उनले मन सार्वजनिक गरेसँगै उनको गायन कलाको चर्चा हुन थालेको छ ।
मनको वेग, संमवेग र यसको गतिलाई सारमा प्रस्तुत गर्न खोजिएको छ । साथै अभिनयले थप गीतको मर्मलाई बलियो बनाएको हेर्न सकिन्छ ।
गौरींशकरण गाउँपालिका ७ मा छम्बा र यार्जाङ गुम्बा निर्माण गरेर चर्चा बटुलेका उनले सङ्गीतको माध्यमबाट आफ्नो लुकेको प्रतिभालाई मनसँगै बलियो ढङ्गले प्रस्तुत गरेका छन् ।
